Lifir í gömlum glæðum

Leikararnir Sandra Bullock og Ryan Gosling áttu í eldheitu ástarsambandi þegar þau unnu saman við tökur á kvikmyndinni Murder by Numbers árið 2001. Sambandið entist þó ekki lengi og parið hætti saman stuttu eftir að tökum á myndinni lauk. Tímaritið In Touch vill meina að nú þegar bæði Bullock og Gosling eru aftur á lausu hafi þau tekið aftur upp þráðinn.

„Hún hefur alltaf verið svolítið veik fyrir Ryan og ákvað því að hafa samband við hann aftur nú þegar þau voru bæði á lausu. Hann hefur líka sýnt því áhuga að hitta Söndru aftur,“ var haft eftir vini leikkonunnar.