Lavigne trúlofuð aftur

Söngkonan Avril Lavigne hefur trúlofast kærasta sínum, raunveruleikastjörnunni og fyrrverandi kærasta Nicole Richie, Brody Jenner. Þess má geta að Jenner er sonur Bruce Jenner og því stjúpbróðir Kardashian-systranna.

Parið hefur átt í sambandi í rúmt ár og nýverið sendi Lavigne hljómsveitarmeðlimum sínum mynd sem sýndi trúlofunarhringinn á fingri hennar ásamt orðunum: „Ha, ha.“ Vinir hennar segja þó að söngkonan hafi átt von á bónorðinu í nokkurn tíma. „Hana grunaði að Brody mundi biðja hennar þegar þau fóru saman í frí til Frakklands í febrúar,“ var haft eftir innanbúðarmanni.