Smeykur við Lady Gaga

Rapparinn Snoop Dogg er hrifinn af tónlist söngkonunnar Lady Gaga en segir að hann yrði of smeykur til að geta farið í rúmið með henni. Snoop segist telja að ástaratlotin yrðu undarleg, enda sé söngkonan ekki alveg eins og fólk er flest.

„Hún er alveg kexrugluð. Hver veit, hún gæti verið með snák eða hníf þarna niðri," segir rapparinn.

Hann fer þó fögrum orðum um tónlist Lady Gaga, á sinn hátt. „Hún er með góðan skít, annað en sumt af hinu ruslinu sem er verið að endurtaka."