Enn stefnir í verkfall

Allt virðist stefna í verkfall starfsmanna fiskimjölsverksmiðja eftir einn og hálfan sólarhring og komu síðustu skipin inn til löndunar í Eyjum í gærkvöldi.

Eftir því sem best er vitað er ekkert loðnuskip nú á miðunum, enda geta þau hvorki landað í Færeyjum né Danmörku, ef til verkfalls kemur. Deilendur eru boðaðir á samningafund í dag klukkan ellefu, en á heimasíðu Afls-starfsgreinafélags segir að aðeins tveir samningamenn verði sendir á fundinn, þótt allir samningamennirnir verði í viðbragðsstöðu ef eitthvað dregur til tíðinda á fundinum.

Tíu menn eru í samninganefn bræðslumanna, þannig að átta sitja heima.