Spennti bílbeltið yfir sig og barnið

Lögreglan stöðvaði fólk sem var á ferð í bíl í austurborginni um helgina. Við stýrið var karl á fimmtudagsaldri og við hlið hans var kona, litlu yngri, sem hélt á barni á leikskólaladri í fanginu en sama bílbelti var spennt yfir þau bæði.

Í tilkynningu frá lögreglu segir að ekki þurfi að fara mörgum orðum um það sem gerst hefði ef bíllinn hefði lent í árekstri. „Hugsunarleysi sumra er með ólíkindum en lögreglan verður alloft vitni að slíku,“ segir í tilkynningunni.

Fólkinu var gert að koma barninu fyrir í bílnum með viðeigandi og öruggum hætti og síðan fékk það að halda för sinni áfram.