Ný ástkona Tiger

Tiger Woods, kylfingurinn kvensami, er kominn með nýja stúlku uppá arminn. Sú „heppna“ heitir Alyse Lahti Johnson og er 22 ára stjúpdóttir framkvæmdarstjóra umboðskrifstofu Tiger. Sambandið kom í ljós þegar Elin Nordegren, fyrrum eiginkona Tiger, keypti sér villu við hlið Tiger í Flórída fyrir skemmstu.

Tiger hefur enn ekki náð fyrri styrk á golfvellinum eftir að í ljós kom að hann hafði haldið oft og mörgum sinnum framhjá eiginkonu sinni og barnsmóður. Hann virðist hins vegar hafa endurheimt húmorinn því hann lét gamninn geisa í viðtalsþætti Jimmy Fallon fyrir skemmstu og sagðist meðal annars hafa notað síðustu átján mánuði í að leika „lélegt“ golf.