Ásdís Rán tapaði í Hæstarétti

Hæstiréttur hefur sýknað tryggingafélagið Vörð af kröfum fyrirsætunnar Ásdísar Ránar Gunnarsdóttur. Ásdís krafði Vörð um bætur úr slysatryggingu vegna líkamstjóns sem hún varð fyrir í bílslysi.

Vörður taldi hins vegar að vátrygging bifreiðarinnar, sem var í eigu Garðars Gunnlaugssonar, eiginmanns hennar, hefði verið fallin úr gildi þegar slysið varð vegna vanefnda á greiðslum iðgjalds.

Hæstiréttur féllst á rök Varðar og sýknaði því tryggingafélagið af kröfum Ásdísar. Áður hafði Héraðsdómur Reykjavíkur einnig sýknað Vörð af kröfum Ásdísar.