Fjölskylduhjálpin óskar eftir hárgreiðslufólki

Fjölskylduhjálp Íslands óskar eftir hárgreiðslufólki sem er tilbúið að koma og snyrta endurgjaldslaust hár skjólstæðinga sína sem eru bæði konur, karlar og börn.

Ásgerður Jóna Flosadóttir, formaður samtakanna, segir í samtali við fréttastofu að um 2500 börn eigi foreldra eða eru á heimilum sem sækja mataraðstoð til Fjölskylduhjálparinnar.

Hún segir að í fyrra hafi yfir 500 einstaklingar nýtt sér þjónustu hárgreiðslufólks sem ýmist komu í húsakynni samtakanna eða þáðu gjafabréf frá hársnyrtistofum.  Nú þegar að jólin nálgast séu skjólstæðingar farnir að spyrja um aðstoðina. „Því þau hafa ekki efni á að fara í jólaklippinguna,“ segir hún

Á síðustu tólf mánuðum úthlutaði Fjölskylduhjálpin yfir 24 þúsund mataraðstoðum sem deildust niður á 4000 fjölskyldur.

Hárgreiðslufólk sem er tilbúið að gefa af tíma símum geta haft samband við Ásgerði Jónu í síma 892-9603.