Átt þú Pax-skáp með Aurland-hurðum?

IKEA biður þá viðskiptavini sína sem eiga PAX fataskáp með AURLAND speglahurð frá framleiðanda með númerinu 12650 vinsamlegast um að hafa strax samband við þjónustuver.

IKEA hefur fengið tilkynningar um að spegillinn geti losnað af hurðinni og brotnað í beittar flísar. Engar tilkynningar um slys hafa borist, að því r segir í tilkynningu frá IKEA.

Framleiðsluvikurnar sem um ræðir eru 1039 – 1048. Vörunafnið PAX AURLAND og framleiðsluvikan og númer framleiðandans eru prentuð neðst aftan á speglahurðina.

Viðskiptavinir sem eiga PAX AURLAND speglahurð frá framleiðanda nr. 12650 eru beðnir að hafa samband við Þjónustuver IKEA í síma 520 2500 til að fá leiðbeiningar um hvernig þeir geti fengið nýja hurð, þeim að kostnaðarlausu.