Allt annað að sjá þig núna Erpur

Í gær var Mottumars formlega hleypt af stokkunum annað árið í röð, en karlmenn hafa margir beðið spenntir eftir átakinu og safnað í veglegar mottur.

Um helgina snyrti Nonni Quest mottuna á vel á þriðja tug karla, en afraksturinn má líta augum í portrettmyndasyrpu eftir Einar Smárason ljósmyndara sem sýnd verður á göngum Kringlunnar í mars. Hægt verður að kaupa myndirnar til styrktar Krabbameinsfélagi Íslands, bæði sýningarmyndirnar sjálfar og minni útgáfur.

Í meðfylgjandi myndasyrpu má sjá myndir frá skeggstemmingunni þar sem Erpur Eyvindarson er meðal annars snyrtur.

Skráningar streyma nú inn á vefinn karlmennogkrabbamein.is, en nú þegar á fyrsta degi hafa tæplega 400 einstaklingar skráð sig til leiks og á annað hundrað lið. Það má því búast við harðri samkeppni í mottuvexti og söfnun áheita!