Níu líkamsárásir tilkynntar

Níu líkamsárásir voru tilkynntar til lögreglunnar um helgina. Fjórar þeirra áttu sér stað í miðborginni en hinar annarsstaðar á höfuðborgarsvæðinu.

Tvær árásanna voru mjög alvarlegar, samkvæmt upplýsingum frá lögreglunni. Í annarri þeirra var karl á fertugsaldri laminn illa á nýársdagsmorgun en í hinni var karl á svipuðu reki sleginn í andlitið aðfaranótt sunnudags. Þeir voru báðir fluttir illa haldnir á sjúkrahús.

Árásarmennirnir voru handteknir en þeir eru báðir á þrítugsaldri.