Viðkvæmir foreldrar

Leikarinn Ryan Phillippe var gestur Ellen DeGeneres og viðurkenndi þar að móðir hans taki það mjög nærri sér þegar slúðursíður fjalla um hann.

„Móðir mín fylgist of vel með. Hún hefur verið veik og eyðir miklum tíma á netinu. Annan hvern dag fæ ég póst frá henni þar sem hún vill fá nánari útskýringu á hinum og þessum orðrómi," sagði Phillippe og bætti við að móðir hans taki það nærri sér þegar hann fær neikvæða umfjöllun. „Hún spyr mig af hverju verið sé að kalla mig asna og ég segi henni að þeir kalli alla asna."