Eggert og félagar unnu Rangers - bara fjórum stigum frá toppnum

Eggert Gunnþór Jónsson lék allan leikinn með Hearts þegar liðið vann 1-0 sigur á Rangers í skosku úrvalsdeildinni í fótbolta í dag. Rangers-liðið hefði farið upp að hlið Celtic á toppnum með sigri.

Hearts-liðið er nú búið að leika ellefu deildarleiki í röð án þess að tapa og hefur aðeins fengið á sig þrjú mörk í þessum leikjum. Fyrir vikið er liðið nú aðeins tveimur stigum á eftir Rangers og fjórum stigum á eftir toppliði Celtic.

Eggert Gunnþór lék eins og vanalega í stöðu hægri bakvarðar en það var Ryan Stevenson sem skoraði sigurmark liðsins á 77. mínútu.