Stuðningssíða stofnuð fyrir Guðrúnu Ebbu á Facebook

Stuðningsmenn Guðrúnar Ebbu Ólafsdóttur hafa sett upp síðu á Facebook þar sem fólk getur lýst yfir stuðningi við hana og hennar málstað. Guðrún Ebba, dóttir Ólafs Skúlasonar biskups, hefur stigið fram og greint frá misnotkun sem hún segist hafa orðið fyrir af hendi föður síns.

Guðrún Ebba hefur einnig gefið út bók þar sem hún segir sögu sína. Í gær barst fjölmiðlum hinsvegar yfirlýsing frá fjölskyldu Guðrúnar, móður hennar, systur og bróður. Í yfirlýsingunni er Guðrún sögð fara með rangt mál og lýsingum hennar af heimilislífinu á þeim tíma sem um ræðir alfarið hafnað.

Guðrún Ebba hefur ekki tjáð sig um yfirlýsingu fjölskyldunnar.

Facebook síðuna má sjá hér.