Ofbeldismaður framseldur til Póllands

Hæstiréttur staðfesti í dag úrskurð Héraðsdóms Reykjavíkur um framsal á pólskum karlmanni til heimalands síns.

Maðurinn hafði gerst sekur um líkasmárás í heimalandi sínu, ásamt öðrum manni, en komið svo til Íslands. Auk þess hótaði hann tveimur mönnum lífláti og að kveikja í húsi þeirra þannig að mennirnir óttuðust um líf sitt og heilbrigði.

Maðurinn var upphaflega dæmdur í 10 mánaða skilorðsbundið fangelsi en síðan var ákveðið að hann skyldi sitja af sér dóminn vegna þess að hann greiddi ekki brotaþola skaðabætur sem hann hafði verið dæmdur til að greiða.