Liverpool vill Evra í bann séu ásakanir hans falskar

Liverpool ætlar að standa við bakið á Úrúgvæmanninum Luis Suárez sem hefur hafnað algjörlega þeim fréttum að hann hafi kallað Patrice Evra, fyrirliða Manchester United, niggara í leik liðanna á laugardaginn.

Luis Suárez var mjög óhress með að vera sakaður um kynþáttarníð gagnvart bakverði United en þeir áttustu nokkrum sinnum við í leiknum á laugardaginn sem endaði með 1-1 jafntefli.

Patrice Evra fór ásamt Sir Alex Ferguson til dómarans Andre Marriner eftir leik og kvartaði undan framkomu Suárez auk þess sem franski bakvörðurinn talaði um málið í viðtali við Canal Plus.

Evra sagði í viðtalinu við frönsku sjónvarpsstöðina að menn gætu bara horft á sjónvarpsupptökur frá leiknum og lesið af vörum Suárez því hann hafði sagt "ljóta" orðið í það minnsta tíu sinnum.

Forráðamenn Liverpool hafa snúið vörn í sókn og heimta nú að Patrice Evra verði dæmdur í bann finnist enginn fótur fyrir þessum ásökunum hans.

Evra var reyndar illa upplagður þennan dag því hann var farinn að deila við dómarann áður en leikurinn hófst.