Biðlaði til vina um hreint piss

Brooke Mueller, sem er hvað best þekkt fyrir að vera fyrrum eiginkona vandræðagemlingsins Charlie Sheen, á ekki sjö dagana sæla um þessar mundir. Ekki nóg með að þurfa að takast á fyrrum eiginmann sinn um forræði yfir tveggja ára tvíburadrengjum sínum, virðist Mueller eiga sjálf við fíkniefnavandamál að stríða.

 

Vinir Mueller hafa miklar áhyggjur af henni sérstaklega eftir að hún fór þess á leit við þá að fá lánað hreint piss til að skila inn til yfirvalda til að halda forræðinu. Mueller hangir þessa daga mikið með partýpinnanum Paris Hilton en þær stöllur eru að taka upp raunveruleikaþátt saman.