Bríarí opnað

Tómstundahúsið Bríarí var opnað í Kex Hostel við Skúlagötu á fimmtudaginn. Húsið verður opið um helgina í tengslum við tónlistarhátíðina Reykjavík Music Mess.

Bríarí kemur tímabundið í stað tómstundahússins Havarí, sem lagðist í dvala í lok janúar. Síðan þá hefur staðið yfir leit að föstum viðverustað hússins í miðborg Reykjavíkur, án árangurs. Í anda Havarís býður Bríarí upp á tónlist, myndlist, ókeypis tónleika, hljómplötur og ýmislegt fleira. Einnig verður þar miðasala fyrir Reykjavík Music Mess. Bríarí verður opið bæði í dag og á morgun frá klukkan 11 til 18.

.