Geðhjúkrunarfræðingar vilja réttargeðdeild á Klepp

Fagdeild geðhjúkrunarfræðinga lýsti yfir stuðningi við að starfsemi réttargeðdeildarinnar á Sogni verði færð á Klepp á fundi í gær.

Þannig telja geðhjúkrunarfræðingarnir að betur sé unnt að tryggja faglega þjónustu við sjúklinga og aðstandendur þeirra vegna nálægðar við sérhæfða þjónustu, sem einnig leiði til þess að auðveldara verði að tryggja öryggi sjúklinga og starfsfólks.

Þeir leggja jafnframt áherslu á nauðsyn þess að viðeigandi ráðstafanir verði gerðar til að öryggi þeirra verði áfram tryggt og að hagsmuna sjúklinga og starfsfólks verði gætt í hvívetna við breytinguna.