Skjálftarnir voru fjórir á richter

Báðir jarðskjálftarnir í morgun reyndust vera fjórir á richter samkvæmt upplýsingum jarðvísindamanna á Veðurstofu Íslands.

Fyrri skjálftinn mældist klukkan 09:03 og sá seinni klukkan 09:46. Íbúar Hveragerðis fundu vel fyrir skjálftanum en það gerðu einnig íbúar á höfuðborgarsvæðinu sem og á Akranesi.

Jarðvísindamenn telja nær öruggt að skjálftarnir hafi verið af mannavöldum. Aðspurður segja jarðvísindamenn að þeir telji að þetta séu með stærstu manngerðu jarðskjálftum hér á landi.

Orkuveita Reykjavíkur hefur boðað til fundar á Hótel Örk í Hveragerði næsta mánudagskvöld eftir að Aldís Hafsteinsdóttir, bæjarstjóri Hveragerðis, gagnrýndi Orkuveituna harðlega fyrir aðgerðir sínar, en verið er að dæla heitu vatni ofan í borholur hjá Hellisheiðarvirkjun sem kemur skjálftavirkni af stað.