Brutust inn og stálu fötum fyrir 1,2 milljónir

Fötum að verðmæti 1,2 milljónir króna var stolið úr fataversluninni Allir krakkar aðfaranótt laugardagsins. Þá var sjóðsvél í versluninni tæmd.

„Við héldum bara að þetta væru einhverjir dópistar að reyna að ná í pening, þangað til við tókum eftir þeim fötum sem voru horfin," segir Vera Víðisdóttir, eigandi verslunarinnar í samtali við Vísi. Hún segir að mikið hafi verið tekið af úlpum og kápum, en einnig kjólar og pils. Vera segir að það hafi ekki mikið verið skemmt í versluninni. Þjófarnir hafi brotið rúðu í hurð í dyrunum á versluninni og náð þannig að opna.

Vera hvetur þá sem hafa upplýsingar sem gætu nýst til þess að leysa málið að hringja í lögregluna í síma 4441100 eða að hringja í sig í síma 8966334.



Hér má sjá sýnishorn af vörum sem var stolið.