Fimm stúlkur sýndu ofnæmisviðbrögð - ein flutt á sjúkrahús

Kallað var á tvo sjúkrabíla í Grunnskóla Húnaþings vestra í gær eftir að fimm stúlkur í áttunda bekk fengu ofnæmisviðbrögð eftir bólusetningu við HPV-veirunni. Ein stúlkan var flutt til Reykjavíkur á Barnaspítala Hringsins til frekari skoðunar.

Það er vefmiðillinn Smugan sem greinir frá. Þar er haft eftir Haraldi Briem sóttvarnarlækni að stúlkurnar séu allar við góða heilsu nú. Hann segir að engar tilkynningar hafi áður borist um ofnæmisviðbrögð við bólusetningunni. Sú fyrsta barst í gær, og það fimm tilvik en átta stúlkur er í árganginum.

Von er á tilkynningu frá Landlæknisembættinu í dag vegna málsins.

Vefur Smugunnar.