Gefa vinnu sína við jólakortin

Eggert Pétursson listmálari og Þórarinn Eldjárn, ljóðskáld og rithöfundur, gengu til liðs við Barnaheill – Save the Children á Íslandi við gerð jólakorts samtakanna í ár.

Á kortinu verður mynd af málverkinu Án titils, sem Eggert málaði sérstaklega fyrir samtökin og í kortinu verður prentað ljóð Þórarins Eldjárn, Skamm skamm skammdegi, sem hann samdi sérstaklega við málverkið.

Báðir listamennirnir gefa vinnu sína en ágóði af sölu kortanna rennur til starfs Barnaheilla. Í tilkynningu frá samtökunum segir að sala jólakorta sé mjög mikilvæg fjáröflunarleið fyrir samtökin. - sv