Svæfingalæknir í skilorðsbundið fangelsi

Hæstiréttur Íslands staðfesti í dag dóm Héraðsdóms Retykjavíkur yfir Árna Þór Björnssyni, svæfingalækni sem ákærður var fyrir að hafa blekkt Tryggingastofnun Ríkisins, til að greiða sér rúmar 4 milljónir króna með því að framvísa 265 röngum reikningum.

Honum var gefið að sök að hafa innheimt greiðslur vegna fleiri eininga fyrir svæfingar hjá tannlæknum en TR bar að greiða fyrir samkvæmt gjaldskrá svæfingarlækna og samningi TR og Læknafélags Reykjavíkur.

Hæstiréttur kemst að þeirri niðurstöðu að Árni hafi beitt starfsmenn TR vísvitandi blekkingum og var hann dæmdur í tólf mánaða fangelsi. TR beindi kæru til ríkislögreglustjóra 28. júní 2007 en ákæra var ekki gefin út fyrr en 4. júní 2010 og engin skýring gefin á þessum drætti. Því var ákveðið að skilorðsbinda refsinguna. Í dómi héraðsdóms voru þrír mánuðir aftur á móti óskilorðsbundnir.