Hanna Birna: Hagsmunum okkar best borgið utan ESB

„Um leið og það finnur kraftinn, vonina og tækifærin sem hér eru kemur fólk aftur,“ sagði Hanna Birna Kristjánsdóttir, sem tilkynnti það í dag að hún ætlaði að fara í framboð til formanns Sjálfstæðisflokksins, aðspurð hvort að hún myndi berjast fyrir því að fá þá þúsundir Íslendinga sem hafa flust af landi brott aftur heim.

Tveir munu því berjast um formannsstólinn, því ásamt henni hefur núverandi formaður, Bjarni Benediktsson, lýst því yfir að hann muni bjóða sig fram aftur.

Í viðtali við þáttinn Reykjavík síðdegis á Bylgjunni í dag sagði Hanna Birna meðal annars að ef hún næði kjöri myndi hún berjast fyrir því að skattar yrðu lækkaðir í landinu - hún sagði það ótrúlega brýnt verkefni. „Við búum í því umhverfi að ráðstöfunartekjur fjölskyldna hafa verið að lækka um 30 prósent á síðustu tveimur árum,“ sagði hún meðal annars í þættinum.

Hanna Birna sagðist vilja hætat aðildarviðræðum við Evrópusambandið. „Nei ég tel að við eigum að hætta þessu. Ég tel að hagsmunum okkar sé ekki best borgið utan Evrópusambandsins. Ég tel að við eigum að nýta þá kosti sem felast í því að vera sjálfstæð þjóð og fullvalda,“ sagði hún.

Hægt er að hlusta á þáttinn með því að smella á hlekkinn hér að ofan.