Hótaði að skjóta þingmann í hnakkann

Björn Valur Gíslason, þingmaður Vinstri grænna, fékk líftlátshótun frá framkvæmdastjóra í stóru fyrirtæki hér á landi nýlega. Hann hótaði að skjóta hann, og fleiri þingmenn, í hnakkann.

Á vefsíðu sinni segir Björn Valur að fyrirtækið sem framkvæmdarstjórinn stjórni sé innan vébanda Samtaka iðnaðarins. „Sá var fullur heiftar út í stjórnvöld eins og títt er um marga vel stæða og sterkefnaða menn enda telja þeir öðrum fremur að of þungar kreppu byrðar séu lagðar á herðar þeirra," skrifar Björn Valur.

Því næst segir hann að maðurinn „sagðist telja rétt að ég (og reyndar fleiri) fengi skot í hnakkann, rétt eins og Quisling forðum. Ég ætti að hafa það hugfast hvernig fór fyrir þeim norska, sagði framkvæmdastjórinn, það gæti auðveldlega hent fleiri, hótaði hann.“

Björn Valur leitaði ekki til lögreglunnar en velti því fyrir sér - „en ákvað að láta kjurt liggja - í bili,“ segir þingmaðurinn.



Pistillinn á vefsíðu þingmannsins.