Liam lofaður

Leikarinn Liam Neeson hefur trúlofast kærustu sinni, Freyu St. Johnston, ef marka má fréttir tímaritsins The National Enquirer. Eitt og hálft ár er síðan eiginkona Neesons, leikkonan Natasha Richardson lést.

„Liam átti ekki von á því að verða ástfanginn aftur en Freya hefur glætt lífi hans birtu á ný. Hún hefur sýnt honum mikla þolinmæði og ást,“ var haft eftir heimildarmanni. Nýja kærastan starfar sem upplýsingafulltrúi og á tvö börn frá fyrra hjónabandi. „Þau hafa þegar blandað saman fjölskyldunum og allt gengur vel.“