Beauties of Ice setja stefnuna á Skagann

Glamúrgellurnar Hildur Líf og Linda Ýr sem hristu aldeilis upp í þjóðinni með VIP partýinu fræga sem þær héldu á Replay Grensásvegi á dögunum sem að þeirra sögn var í rauninni í gríni gert og til skemmtunar eru á leiðinni upp á Skaga næstu helgi.

„Við bjuggumst ekki við þessari svakalegu umræðu," segja þær spurðar út í VIP-fárið en staðfesta að þær hafa nú þegar fengið fjölda tilboða í kjölfar umræðunnar.

Þegar talið berst að ferðinni sem þær standa fyrir næstu helgi þar sem þær koma meðal annars við á fegurðarsamkeppninni Ungfrú Vesturland sem fram fer á Akranesi svara þær: „Við höfðum fyrir löngu ákveðið að fara en þetta er rúmlega 40 manna hópur. Hugmyndin kom úr VIP-klúbbnum okkar sem við nefnum stundum „Beauties of Ice" sem Geiri (Ásgeir Þór Davíðsson) stakk uppá í gríni vegna þess að meirihlutinn eru stelpur sem áður hafa tekið þátt í fegurðarsamkeppnum en svo hafa bæst við myndarmenn."

„Margir hafa haft samband við okkur og Geira um að fá að komast með í ferðina en því miður getum við ekki sinnt því lengur og uppselt er á fegurðarsamkeppnina sem fram fer á Akranesi. Það er víst komið heljarinnar slúður útí bæ að við séum með partý eftir keppnina en við erum nú aðeins að þessu til þess að veita þessum fallegu stúlkum stuðning þar sem við þekkjum nú nokkrar þarna og vitum hvað þær eru að ganga í gegnum og þess vegna var einhliða ákvörðun innann klúbbsins um að mæta. Þannig að við drifum bara í því að plana ferð fyrir allan mannskapinn. Það var minna en mál," segja Linda og Hildur.

Er það s.s. slúður að þið ætlið að halda partý upp á Akranesi eftir fegurðarsamkeppnina? „Það var allavegana ekki planið en framhaldið er óráðið. Okkur finnst þetta alveg æðislegt og algjör tilbreyting frá daglegu lífi. Við höfum nú alltaf haft smá gaman af því að ganga skrefinu lengra. Okkur finnst alveg æðislegt hvað fólk er að taka vel í það sem við erum að gera og það er sko meira en nóg framundan. Allskonar hugmyndir og tilboð sem við erum að skoða bæði innannlands og utan," svara þær og bæta við áður en kvatt er:

„Svo gæti vel verið að við kíkjum á SS-sól í smá tíma. Mikil til hlökkun er til kvöldsins og fróðlegt að sjá úrslitin hjá stúlkunum."