Skulda Lundúnarborg 242 þúsund krónur

Íslenska sendiráðið í Lundúnum skuldar borgarsjóði Lundúnarborgar 242 þúsund krónur. Ástæðan er sú að það kostar að aka inn í miðborg Lundúna. Fulltrúar sendiráðsins þurfa að una þessu rétt eins og aðrir, en þeir greiða ekki hverja ferð fyrir sig heldur safna í reikning.

Þetta er í það minnsta fullyrt á vef danska ríkisútvarpsins, en þar segir jafnframt að Bandaríkin skuldi borgarsjóði rétt rúman milljarð vegna þessa, Rússar skulda röskar 800 milljónir og Danir sjálfir skulda um 48 milljónir.

Norðmenn og Svíar standa vel að vígi, því að þeir skulda ekki neitt.