Brúðkaupi aflýst

Mótorhjólasmiðurinn Jesse James og húðflúrarinn frægi Kat Von D eru hætt saman og þar af leiðandi er brúðkaupi þeirra aflýst.

James, sem er hvað frægastur fyrir hjónaband þeirra Söndru Bullock Óskarsverðlaunahafa, setti skilaboðin á Twitter í byrjun mánaðarins: „Það er ótrúlegt að hlutirnir geta breyst frá því að vera dásamlegir í að vera ömurlegir á stuttum tíma.“ Enn er óljóst hver orsök sambandsslitanna er en vinir James halda því fram að hann hafi fengið nóg af dramatíkinni í sambandinu.

Kat Von D er frægt nafn í Bandaríkjunum þar sem hún er stjarna í eigin raunveruleikaþætti sem nefnist LA Ink.