Fjölgað í hópi tjaldmótmælenda á Austurvelli

Þrjú tjöld eru núna á Austurvelli vegna Occupy-mótmælanna en eitt slíkt tjald var fjarlægt í gærdag af lögreglunni. Í gærkvöldi reistu mótmælendur þrjú tjöld og gistu þrír mótmælendur í þeim í nótt. Nú hefur eitt tjald bæst við.

Alls eru tíu mótmælendur á svæðinu. Vísir hafði samband við lögregluna en þar fengust óljós svör um það hvort lögreglan myndi hafa afskipti af mótmælunum.

Mótmælin í dag eru hluti af alþjóðlegum mótmælum sem beinast meðal annars gegn peningakerfinu og viðskiptalífinu.