Ákærður fyrir að níðast á barni

Karlmaður hefur verið ákærður fyrir að níðast á fjórtán ára gömlum pilti. Þá er hann einnig ákærður fyrir að greiða honum pening fyrir. Alls voru þrír karlmenn kærðir vegna málsins.

Samkvæmt fréttastofu RÚV þá hefur aðeins einn verið ákærður, annað málið hefur verið sent til frekari rannsóknar há lögreglunni á Akranesi á meðan það þriðja bíður afgreiðslu hjá ríkissaksóknara. Það er lögreglan á Akranesi sem rannsakar málið.

Meðal hinna kærður í málinu er kennari við Fjölbrautaskóla Vesturlands á Akranesi. Hann var kærður fyrir hafa  brotið 202. og 206. grein almennra hegningarlaga, sem fjalla um samræði eða önnur kynferðismök við barn, yngra en 15 ára, sem og um brot sem felst í því að einstaklingur greiðir eða heitir greiðslu eða annars konar endurgjaldi fyrir kynlíf með barni undir 18 ára aldri.

Ekki er ljóst hvort kennarinn sé sá sem hefur verið ákærður. Málið verður þingfest í Héraðsdómi Vesturlands næstu daga eða vikur.