Tjöldin tekin niður - voru ekki með leyfi

Tjaldað var á Austurvelli þriðju nóttina í röð en þar eru á ferðinni mótmælendur sem kenna sig við Occupy Reykjavík.

Vísir greindi frá því í morgun að tjöldin fengju að standa þar sem mótmælendur höfðu tilkynnt lögreglu í nótt að þeir væru komnir með leyfi hjá borgaryfirvöldum til þess að vera með tjöld á staðnum. Síðar kom í ljós að ekkert leyfi hafði verið veitt hjá borginni og því fóru lögreglumenn aftur á Austurvöll og fóru fram á það við mótmælendur að tjöldin yrðu tekin niður.

Þeir urðu við þeim tilmælum án frekari málalenginga.