Hæstiréttur staðfesti dóm yfir svæfingarlækni

Hæstiréttur hefur staðfest tólf mánaða fangelsisdóm yfir svæfingalækni sem sveik vel á fimmtu milljón út úr Tryggingastofnun á árunum 2005 og 2006.

Héraðsdómur skilorðsbatt níu mánuði refsingarinnar en Hæstiréttur skilorðsbindur hana alla, þar sem þrjú ár liðu frá því að rannsókn málsins hófst og þar til ákæra var gefin út. Á þeim drætti hafi engin skýring verið gefin.

Læknirinn gaf út 265 tilhæfulausa reikninga þar sem hann rukkaði fyrir um 800 óunna tíma. Taldi héraðsdómur brot hans "sérlega ófyrirleitið".