Aftur vélavandræði hjá Airbus A380 - ári eftir að hreyfill sprakk

Airbus A380 risaþota sem var á leið frá Sidney í Ástralíu til London neyddist til að lenda í Dúbaí í dag þegar bilun kom upp í hreyflum vélarinnar. Um er að ræða stærstu farþegaþotu í heimi en um 250 farþegar voru um borð. Fjórir hreyflar eru á vélunum og þurftu flugmennirnir að slökkva á einum þeirra þegar bilunin kom upp. Þeim tókst þó að lenda án vandræða í Dúbaí.

Það er síðan undarleg tilviljun að fyrir nákvæmlega einu ári síðan kviknaði í hreyfli annarar A380 vélar frá sama flugfélagi. Hreyfillinn sprakk í loft upp og í kjölfarið voru allar vélar þessarar tegundar settar í flugbann um tíma. Talsmenn Quantas segja að ekki sé um sömu vél að ræða.  

Leikarinn og grínistinn Stephen Fry var um borð í vélinni upplýsti hann menn um gang mála í gegnum Twitter síðu sína.