Menntamenn handteknir fyrir þjófnað

Tveir tvítugir piltar voru handteknir í miðborg Reykjavíkur fyrir þjófnað á dögunum. Samkvæmt tilkynningu frá lögreglunni gengust mennirnir við þjófnaðinum enda voru þeir gripnir glóðvolgir.

Mennirnir voru færðir á lögreglustöð þar sem þeir kenndu áfenginu um þjófnaðinn. Þá héldu þeir því jafnframt á lofti að þeir væru menntamenn með algjörlega flekklausan feril. Það reyndist ekki alveg satt, annar þeirra var handtekinn nýlega fyrir fíkniefnamisferli.

Svo segir í tilkynningu lögreglunnar að mál félaganna fari nú leið sína í kerfinu, „en ósagt skal látið hvort menntun þeirra verði metin þeim til refsilækkunar," segir svo í tilkynningu lögreglunni.