Rolexránið á sér hliðstæður í þremur Evrópulöndum

Framkvæmd ránsins í úraverslun við Laugaveg á mánudagsmorgun, þykir sláandi lík nokkrum ránum, sem framin hafa verið í Danmörku, Sviss og í Bretlandi undanfarna mánuði.

Þar hafa þrír karlmenn, vopnaðir byssum, átt hlut að máli og að minnsta kosti í dönsku ránunum eru þeir taldir hafa verið útlendingar. Þeir hafa komist undan í öllum tilvikum og  hafa þeir stundum verið kallaðir The Rolex Raiders, eða Rolex ræningjarnir, í fjölmiðlum ytra. 

Þá þykir engu líkara en að þeir hafi sótt fyrirmyndina í kvikmyndina The Town, sem frumsýnd var í fyrra með Ben Affleck í aðalhlutverki.

Engin hefur verið yfirheyrður eða handtekinn vegna gruns um aðild að ráninu hér á landi á mánudagsmorgun.