Dyravörður stoppaði líkamsárás

Piltur fæddur árið 1993 var vistaður í fangageymslu hjá lögreglunni á höfuðborgarsvæðinu í nótt. Hann réðist á rúmlega tvítuga stúlku í Austurstrætinu klukkan rúmlega þrjú í nótt með þeim afleiðingum að hún skarst meðal annars á olnboga.

Samkvæmt upplýsingum frá varðstjóra hjá lögreglunni virðist sem dyravörður á skemmtistað í grendinni hafi stoppað atburðarrásina og kallað til lögreglu.

Pilturinn var fluttur í fangaklefa og verður yfirheyrður síðar í dag.

Annars var fremur rólegt hjá lögreglunni á höfuðborgarsvæðinu í nótt. Þó voru fjórir teknir fyrir ölvunarakstur frá miðnætti.