Byssumaðurinn yfirheyrður síðar í dag

Karlmaður á fertugsaldri, sem hleypti af skoti eða skotum við heimili í Þorlákshöfn í nótt, hefur ekki verið yfirheyrður, samkvæmt upplýsingum frá varðstjóra hjá lögreglunni á Selfossi. Gert er ráð fyrir að hann verði yfirheyrður síðdegis.

Það var klukkan fjögur í nótt sem lögreglu barst tilkynning um skothljóð frá íbúðarhúsi í Þorlákshöfn. Lögreglumenn, ásamt sérsveitarmönnum frá ríkislögreglustjóra, fóru á staðinn. Maðurinn, sem var einn í húsinu, kom svo sjálfviljugur út úr húsinu klukkan korter í fimm eftir að hafa rætt við sérþjálfaðann samningamann lögreglu í síma.

Enginn slasaðist og er málið í rannsókn hjá lögreglu.