Tvenn mótmæli í miðbænum í dag

Boðað hefur verið til tveggja mótmælafunda í miðbæ Reykjavíkur, en kveikjan að þeim báðum eru alþjóðleg mótmæli sem fram fara víða um heim í dag.

Rótin liggur í hernámi almennings á viðskiptagötunni Wall Street, þar sem fjöldi fólks hefur undanfarið mótmælt bæði stjórnmálamönnum og bankageiranum.

Á Lækjartorgi hefur verið boðað til mótmæla undir yfirskriftinni "Tökum torgin", milli klukkan þrjú og fimm, en á Austurvelli verða Hörður Torfason og samtökin Raddir fólksins með samstöðufund á sama tíma.