Ísland komið í 4. sæti á HM í bridge

Íslendingar hækkuðu sig í morgun um tvö sæti á heimsmeistaramótinu í bridge með því að sigra Singapúr 22-8. Eftir leikinn eru Íslendingar í 4. sæti með 169,5 stig en átta efstu liðin fara í úrslitakeppnina sem hefst nk. sunnudag.

Þeir Jón Baldursson, Þorlákur Jónsson, Aðalstenn Jörgensen og Bjarni Einarsson spiluðu fyrir Íslands hönd í morgun.

"Dagurinn í dag er mjög mikilvægur, því eftir svona góðan dag eins og gærdaginn þá reynir mjög á menn að halda einbeitingu og fylgja góðri spilamennsku eftir," sagði Björn Eysteinsson landsliðfyrirliði Íslands á mótstað í Hollandi í morgun. 

Ísland leikur á eftir annars vegar við Indland og hinsvegar Kanada. Ítalía leiðir mótið eftir sigur gegn Brasilíu í morgun, 25-0.