Breytingar á ferðum Herjólfs á morgun

Fyrsta ferð Herjólfs frá Vestmannaeyjum er klukkan 7:30 á morgun og siglt verður til Þorlákshafnar og aftur til Vestmannaeyja frá Þorlákshöfn klukkan 11:15. Önnur ferð Herjólfs verður farin frá Vestmannaeyjum klukkan 16:00 í Landeyjahöfn og aftur til Vestmannaeyja klukkan 17:40. Þriðja og síðasta ferð Herjólfs fer frá Vstmannaeyjum kukkan 19:00 í Landeyjahöfn og aftur til Vestmannaeyja klukkan 20:15.

Í fréttatilkynningu frá Eimskip segir að farþegar séu beðnir að mæta ekki síðar en 30 mínútum fyrir brottför til að koma í veg fyrir tafir. Það er áréttað að þessar áætlanir eru einungis fyrir miðvikudaginn 4. maí 2011 og eru farþegar beðnir um að fylgjast vel með upplýsingum á https://www.herjolfur.is og í fjölmiðlum.