Vieira: Arsenal ekki með sama drápseðli og Man. Utd

Patrick Vieira, fyrrum fyrirliði Arsenal og núverandi leikmaður Man. City, hugsar enn hlýlega til Arsenal en sér liðið ekki vinna neina titla á meðan það vanti drápseðliðið í liðið sem einkennir Man. Utd.

"Mér finnst virkilega gaman að horfa á Arsenal en það tekur á að sjá félagið aldrei vinna neitt. Liðið spilar besta fótboltann á Englandi en það skilar engu," sagði Vieira.

"Það vantar drápseðlið í þá sem við sjáum reglulega hjá Man. Utd. Tony Adams, Martin Keown, Nigel Winterburn og Ray Parlour voru ekki eins góðir og margir leikmenn liðsins í dag en þeir voru til í að fórna sér algjörlega fyrir málstaðinn."