Tekinn með dóp í fimmta sinn á tveimur mánuðum

Lögreglan á Akranesi handtók ungan mann vegna gruns um vörslu fíkniefna aðfaranótt laugardagsins síðasta. Á manninum fundust  8 grömm af amfetamíni en lögreglumenn höfðu veitt því  athygli  að maðurinn var að koma frá þekktum fíkniefnamanni sem býr í nágrenni við lögreglustöðina. Þeir fóru því þangað og kvöddu dyra.

Húsráðandinn  samþykkti  húsleit eftir nokkurt þref og fundu lögreglumenn 25 grömm af amfetamíni í íbúðinni. Maðurinn var handtekinn og færður til skýrslutök, en látinn laus að henni lokinni en þetta er í  fimmta skipti á tveimur mánuðum sem lögreglan haldleggur töluvert magn fíkniefna hjá manninum.