Enskir knattspyrnumenn óðir í fatalínu Liam

Söngvarinn óstýriláti frá Manchester, Liam Gallagher, er að gera það gott þessa dagana með fatalínunni sinni sem heitir Pretty Green.

Fatnaðurinn hans er að slá í gegn víða og þar á meðal hjá enskum knattspyrnumönnum.

Fjölmargir þeirra hafa sést í klæðnaði frá Gallagher upp á síðkastið.

Stærstu aðdáendurnir eru þó líklega þeir Joe Cole og David Bentley en þeir sjást vart í öðru en klæðnaði frá þessum fyrrum söngvara Oasis og núverandi söngvara Beady Eye.

Það gleður þó Gallagher eflaust lítið enda glerharður stuðningsmaður Man. City.