Braut rúðu í brjálæðiskasti

Hér má sjá þegar tónlistarmaðurinn Chris Brown, sem lúbarði söngkonuna Rihönnu fyrir tveimur árum, var í viðtali í sjónvarpsþættinum Good Morning America í morgun.

Chris tók brjálæðiskast eftir að spyrillinn spurði hann út í það sem hann gerði Rihönnu en ef myndskeiðið er skoðað má greinilega sjá að hann er ósáttur við að rifja upp fortíðina. Söngvarinn rauk eftir viðtalið beint í búningsherbergið ósáttur við spurningarnar sem áttu að hans mati að ganga út á nýju plötuna hans Fame. Þá braut Chris rúðu í æðiskastinu.

Meðfylgjandi má sjá myndir af Chris fyrir utan sjónvarpsstöðina ber að ofan og skilaboðin sem hann setti á Twitter síðuna sína í kjölfarið en nú þegar er búið að eyða umræddum skilaboðum.