Nate Dogg látinn

Tónlistarmaðurinn Nate Dogg lést í gær, 41 árs að aldri.

Frægðarsól Nate Dogg reis á tíunda áratugnum þegar hann söng í nokkrum metsölulögum með röppurunum Dr. Dre, Snoop Dogg, Warren G og Tupac. Eitt frægasta lag hans er Regulate með Warren G en myndbandið við það má sjá hér að ofan.

Samkvæmt fregnum hafði hann barist við alvarleg veikindi í mörg ár. Hann lamaðist meðal annars að hluta til eftir heilablóðfall árið 2008 og gat ekki komið fram á tónleikum eftir það.