Vel heppnuð LÍF-söfnun

Meðfylgjandi myndir voru teknar í húsakynnum Saga film í Reykjavík í kvöld, þar sem LÍF söfnunin, Gefðu líf, sem fram fór um allt land fyrir Kvennadeild Landspítala háskólasjúkrahúss, var sýnd á Stöð 2 í beinni útsendingu.

Yfir sextíu og fimm milljónir hafa safnast. Markmiðið er að safna fé til að ljúka endurbótum sem þegar eru hafnar á kvennadeildinni og nútímavæða hana.

Allir sem stóðu að útsendingunni, skemmtikraftar og þeir sem tóku við framlögum í gegnum síma, voru staðráðnir í að láta gott af sér leiða. Eins og myndirnar sýna ríkti frábær stemning.