Hafdís Huld gefin út í Bandaríkjunum og Kanada

Söngkonan Hafdís Huld hefur gert samning við  fyrirtækið OK! Good um útgáfu plötunnar Synchronised Swimmers í Bandaríkjunum og Kanada.

Lagið Action man kom út sem smáskífa vestanhafs nýlega og er  nú þegar að fá mikla spilun í háskólaútvarpi og komst til að mynda beint 2. sæti vinsældarlista stöðvarinnar  VUMD og í það sjötta hjá WAWL.

Action man er nú þegar komið í spilun á 32 bandarískum útvarpsstöðvum sem má teljast gott þar sem um er að ræða fyrstu smáskífu Hafdísar í Bandaríkjunum.

Hafdís Huld mun halda í tónleikaferð til Bandaríkjanna í byrjun maí þar sem hún mum meðal annars koma fram á  tónlistarráðstefnunni LA musexpo í Los Angeles og á tónleikum í Skandinavia house í New York.

Synchronised Swimmers hefur fengið góða dóma hjá bandarískum tónlistarbloggurum undanfarið.