Herjólfur: Stefnt að því að sigla í Landeyjahöfn

Í vetur er stefnt að því að sigla í Landeyjahöfn eftir því sem aðstæður leyfa samkvæmt frá samstarfshópi um málefni siglinga til Vestmannaeyja.

Þar segir að það sé ljóst að siglingar Herjólfs í höfnina eru vandkvæðum bundnar vegna stærðar skipsins, lögunar og djúpristu. Unnið er að viðhaldsdýpkun sem þó er mjög háð veðurfari.

Áframhald verður á samstarfi samgöngustofnana, rekstraraðila, ráðuneytis og Vestmannaeyjabæjar um lausnir til framtíðar.

Meðal annars mun Vegagerðin láta kanna önnur skip sem gætu leyst Herjólf af hólmi.

Samráðshópurinn hvetur eindregið til þess að hönnun og smíði nýrrar ferju til siglinga í Landeyjahöfn verði flýtt sem kostur er, enda bendir flest til þess að samgöngur við Landeyjahöfn verði ekki áreiðanlegar fyrr en fengin verður ferja sem fellur að þeim forsendum sem bygging hafnarinnar miðaði við.

Þá segir í tilkynningu frá Eimskip að Herjólfur siglir til Þorlákshafnar í næstu viku frá 10. okt til 14.október vegna dýptar í Landeyjarhöfn. Tekin verður ákvörðun um framhaldið þegar nær dregur. Allir þeir sem eiga bókað í öruggar ferðir halda sínum ferðum, aðrir þurfa að breyta.